الجيش بشر وليسوا سوبر مان
اللي ما يشوفش مالغربال يبقى أعمى
وبقت الموضة دلوقتي التشكيك في نزاهة الجيش
وكل واحد بقى بيتكلم من وجه نظره ومحدش فكر يحط نفسه مكان الجيش
وإن دور الجيش الأساسي هو الحدود الخارجية
ثم أصبح مطالب بكل الأعباء
1- أنه يحمي البلد داخليا
2- يتلقى الآف البلاغات يوميا ما بين سرقات وأعتداءات وشكاوي ومصايب
واغتصاب اللي منتشر على اشده
3- وانه المفروض يطارد المجرمين ويحمي المتظاهرين
4- ويرجع الأسلحة اللي مسروقة وبقت مليه البلد
5- ويحقق المطالب ويبسط الشعب
6- ويرجع المساجين الهربانين
7- ويرجع المصريين اللي في لبيا
8- ويحمي حدود لبيا في نفس الوقت
9- ويحمي الحدود اللي على السودان
10 - وأكيد ما ينساش حدودنا مع اسرائيل
11- ولازم يرفع المرتبات والمعاشات
12- ويحقق مع رؤوس الفساد
13- ويشوف طلبات المظاهرات الفئوية والشخصية
14- ويعالج مشكلة اقتصاد البلد اللي واقع
15- ويشيل وزراء ويحط وزراء
16- ويحل مجلس الشعب ويعدل الدستور
17- ويوفر السلع الغذائية التي لم تختفي من السوق رغم الظروف دي
18- وفي نفس الوقت بيطبطب ويدادي ويعتذر
19- ولو حد صباعه واجعه يبقى أكيد الجيش السبب ولازم يتصرف
ومحدش فكر إنهم بشر
ومن ساعة المظاهرات وهما بايتين في الشارع ما بيروحوش
و بعد دا كله الجيش طلع وحش